Wo verschieden ok!

Kiek“, säd mien Nahwer, as wi grad so abends an de Gordenpurt stünn’n, „kiek di den Vagel an! Wat de dor trechtkoppheistert!

Süht dat nüdlich ut.“ „Je“, antwurd ick, „nüdlich süht dat ut, man blots de Vagel plustert up dat Beet rümmer, wo dien Frau hüt Vörmiddag Salat inseit hett.“

„Wat?“ bölk mien Nahwer nu un baller in de Hänn’, dat de Vagel sick ganz verbaast ümkek un mit Tschilp un Tschalp in den Kirschbom flög, „dat verdammichte Takeltüg von Sparlings! Nich retten un bargen kann’n sick dorvör, nu sünd bald de Kirschen riep…“ Un so tütert he noch ‘ne ganze Wiel vör sick hen. Un mi ward wedder mal dütlich, wo verschieden doch en Minsch wäsen künn.

Nach oben scrollen